Kryeministri Edi Rama ka mbajtur një konferencë të përbashkët me presidentin e Serbisë, Aleksandër Vuçiç, pas takimit në kuadër të turit ballkanik.
Rama u pyet lidhur me tensionet në veri të Kosovës, dhe nëse ka mundësi që Serbia t’i kthehet dialogut me kryeministrin Albin Kurti. Lidhur me këtë çështje Rama tha se dialogu dhe arritja e një marrëveshjeje në nivelin franko-gjerman është e vetmja rrugë për të ecur përpara.
“E vetmja rrugë përpara nuk është rruga e rritjes së tensioneve, por mënyra e dialogut dhe e marrëveshjes, e cila konfirmoet në nivelin franko-gjerman, askush nuk duhet të nënvlerësojë rrezikun kur gjendemi në një situatë që nuk duhet ta lejojmë të ndodhë. Këmbëngulja për të mbajtur godina bosh të mbushura me policë m kryetar komunash të zgjedhur është një pengesë. Ne jemi anëtarë të Këshillit të Sigurimit të NATO-s, nuk kemi superfuqi, por jemi në Aleancë dhe gjërat i diskutojmë”- tha Rama.
