Me kalimin e shërbimeve online si dhe hedhjen e notave në sistemin SMIP tashmë dëftesat e ciklit 9-vjeçar dhe certifikata e maturës shtetërore mund të shkarkohen brenda 1 miniute nga “E-Albania” pa qenë e nevojshme për t’u paraqitur fizikisht në shkolla.
Por ndryshe nga certifikata e maturës dhe dëftesa e ciklit 9-vjeçar që mund të shkarkohet në çdo kohë dhe sa herë i nevojitet një nxënësi, kurse diploma e maturës merret vetëm një herë fizikisht pranë sekretarive të shkollave.
Qendra e shërbimeve arsimore ka bërë të gjithë menaxhimin e informacioneve që kanë ardhur përmes sistemit SMIP, ku mësuesit kanë hedhur në përfundim të mësimit të gjitha vlerësimet, mungesat shënimet apo rezultatet përfundimtare të nxënësve.
