Vlerësohet me certifikatë “Mirënjohjeje”, kursanti për Patrullë të Përgjithshme në Akademinë e Sigurisë, Xhojsi Lamaj.
Drejtori i Policisë së Shtetit, Muhamet Rrumbullaku ka vlerësuar gjestin e kursantit, Xhojsi Lamaj i cili bëri këtë gjest të bukur dhe të veçantë.
Xhojsi Lamaj, pasi ka gjetur në Tirane, një portofol me vlera të konsiderueshme (franga, euro, lek) dhe sende personale, e ka dorëzuar portofolin në Komisariatin e Policisë Nr. 2. Menjëherë është njoftuar shtetasja që kishte humbur portofolin, e cila është paraqitur në këtë komisariat dhe pasi ka marrë portofolin ka vlerësuar veprimin e punonjësit të Policisë dhe e ka falënderuar atë, pasi gjeste të tilla ndodhin rrallë.
