Ish-Ministri i Brendshëm, Sandër Lleshaj ka habitur të gjithë teksa u shfaq kritik me mazhorancën socialiste.
Lleshaj tha shqiptarët largohen për arsye sociale, ekonomike, madje sipas tij ka edhe nga ata të cilët largohen për arsye të keq-qeverisjes.
“Shqiptarët ikin për shumë arsye. S’mund te këtë vetëm një përgjigje të vetme. Ikin për arsye sociale, arsye ekonomike, ikin dhe pa e ditur përse ikin. Ikin për arsye të klimës, sepse fatkeqësia numër 1 e këtij vendi nuk është mungesa e resurseve po është klima e papërshtatshme Është prishur Klima. Këta ikin nga keqqeverisja e socialisteve, demokratëve dhe të tjerëve. Po ikin nga situata ekonomike patjetër… fatkeqësia e këtij vendi është që 90’ nuk pati ndryshim, edhe pas ndryshimit të regjimit Shqipëria nuk bëri asnjë reformë esenciale, nuk u bënë reforma e tokës, u zaptua”, u shpreh Sandër Lleshaj për “News24”.
