Gjysma e parë e muajit gusht ka shënuar fluks të lartë udhëtarësh në portin e Sarandës, krahasuar me të njëjtën periudhë të një viti më parë.
Mesatarisht brenda një dite në port janë regjistruar 4500 pasagjerë ditorë. Për të përballuar fluksin e madh të pasagjerëve aktualisht Sarandë-Korfuz po operohet me 20 linja udhëtimi në ditë.
Përveç turistëve është rritur edhe numri i krocereve dhe jahteve, që ankorohen në Sarandë. Në gjysmën e parë të vitit 2023 numri i pasagjerëve të përpunuar në portin e Sarandës është 327,977.
