PD e Sali Berishës mbetet e vendosur që me 6 dhjetor të dalë dhe të protestojë në shesh, pasi në këtë ditë do të vijnë liderët europianë në kuadër të Samitit të BE-së që do të zhvillohet në Tiranë.
Pavarësisht se Policia refuzoi protestën përballë Kryeministrisë për shkak se rrezikohet siguria kombëtare, Klevis Balliu thotë se militantët e PD-së nuk pyesin për policinë.
“Protesta bën diferencën mes diktaturës dhe lirisë. Ne jemi populli i lirisë paçka se Edi Rama kërkon të vendosë një regjim ku nuk lejohen protestat. Por nuk e pyet njeri as Edi Ramën as policinë e Edi Ramës. Protesta do të bëhet, do të jetë me 6 dhjetor, do të jetë një protestë e jashtëzakonshme, e cila do të shikohet nga e gjithë bota”, tha Balliu.
