Mbrëmjen e sotme (30 gusht) do të lindë një nga hënat më të mëdha dhe më të ndritshme të vitit. Hëna e plotë e këtij muaji quhet “Hëna Blu”, një term që mund të përfaqësojë dy gjëra: 1-Ose është Hëna e tretë e plotë në një sezon që ka katër Hëna të plota; 2-ose është e dyta nga dy Hënat e plota që bien në një muaj kalendarik.
Çfarë është një “Hënë Blu”? Përkundër asaj që mund të sugjerojë emri, një hënë blu nuk ka të bëjë fare me ngjyrën e hënës, kështu që hëna nuk do të duket blu në mbrëmjen e së mërkurës. Megjithatë, disa herë shpërthen e vullkaneve e kanë bërë hënën të dukej blu.
“Hëna Blu” do të shfaqet në orën 21:36 mbrëmjen e 30 Gushtit dhe kjo do të vazhdojë deri në mëngjesin e së premtes. Në muzgun e së mërkurës, në orën 20:42, shkëlqimi i fortë i Saturnit do të duket 5 gradë më lart, në të djathtë të hënës. Përgjatë mbrëmjes, Saturni do të duket sikur do të rrotullohet në drejtim të akrepave të orës rreth hënës. Në pikën më të afërt, duket sikur largësia mes tyre do të jetë sa 4 hëna të plota.
