Nard Ndoka i cili njihet për gafat e tij epike, ditën e sotme ka ironizuar Edi Ramen, duke i kërkuar që të mos shkojë në stadium për të parë ndeshjen Shqipëri-Poloni.
Teksa na ndajnë pak orë nga ndeshja e rëndësishme mes Shqiperise dhe Polonise ne stadiumin “Air Albania”, Ndoka e ka cilësuar kryeministrin Rama si “macja e zezë”, që sa herë shkon në stadium, ekipi kombëtar humb.
“Shpresoj që tersi Edi Rama të mos jetë në stadium, sepse sa herë që ai përdor dhe keqpërdor ekipin kombëtar, apo Federatën ndodhin këto humbjet. Sepse ‘macja e zezë’ ka lidhje edhe me sportin. Ku futet ai vetëm ters ka, dihet kjo tashmë. Ka dhënë prova gjithandej, jo vetëm për ekipin kombëtar, por kanë pasur fatin e keq edhe ekipet e tjera që ky i ka mbështetur, apo ka veshur bluzën e atyre ekipeve para ndeshjeve dhe kanë pasur disfatë”, tha Nard Ndoka.
