Departamenti Amerikan i Shtetit (DASH) më në fund ka reaguar në lidhje me rastin e Fredi Belerit madje ka dërguar një mesazh autoriteteve shqiptare.
Qeveria Amerikane ka kërkuar nga drejtësia shqiptare që të respektojë ligjet dhe t’i shkohet deri në fund hetimit dhe gjykimit të Fredi Belerit, shkruan Top Channel.
Në përgjigje të një pyetjeje të korrespondentëve grekë në Uashington, një përfaqësues i DASH-it theksoi se: “Ne jemi në dijeni të rastit (të ndalimit të Fredi Belerit) dhe presim që autoritetet shqiptare të ndjekin një proces të rregullt sipas ligjeve të vendit”.
Kryeministri Edi Rama vazhdimisht ka reaguar fort në lidhje me kërcënimet e palës greke, për inregrimin e Shqipërise në BE, referuar arrestimit Fredi Beleri i akuzuar nga SPAK për blerje votash. Pavarësisht presioneve nga Greqia, Rama tha se “nuk do të ketë asnjë ndërhyrje duke siguruar që drejtësia do të bëjë punën e vet të pavarur”.
