Ministri i Jashtëm i Greqisë, Georgos Gerapetritis nuk ndalet pasi sërish ka “kërcënuar” integrimin e Shqipërisë në Bashkimin Europian.
Gerapetritis teksa ka folur për integrimin në BE të vendeve të Ballkanit Perëndimor, është shprehur se: “Greqia nuk mund të pranojë vende kandidate që nuk përmbushin kriteret bazë të BE-së, si demokracia dhe shteti i së drejtës“, duke iu referuar Shqipërisë për çështjen “Beleri”.
I pyetur mbi çështjen “Beleri”, ministri grek tha: “Rasti mendoj se përbën një devijim nga e drejta evropiane. Është lajthitje, përderisa një kryetar i zgjedhur për Pushtetin Vendor, nuk ka mundur të marrë përsipër detyrat e tij, sepse nuk është lejuar, të betohet dhe të marrë përsipër detyrat e tij. Kjo, nga pikëpamja e vendit tonë dhe nga pikëpamja e së drejtës ndërkombëtare, përbën shkelje të qartë të të drejtave politike të zotit Beleri”.
