Ilir Meta ka konfirmuar se më 6 dhjetor do të jetë në krah të aleatit të tij, Sali Berishës i cili ka thirrur një protestë ditën kur në Tiranë zbarkojnë liderët e Europës në kuadër të Samitit të BE. Meta tha se në dhjetor do t’i jepet fund instalimit të mafies në pushtet.
“Ju e dini që nëntori për ne shqiptarët është muaji i pavarësisë, çlirimit dhe i lirisë dhe ju e dini se dhjetori po kështu për të gjithë shqiptarët patriotë e të ndershëm është muaji i demokracisë dhe Europës. Pa diskutim më 6 dhjetor do të jemi të gjithë sepse do ta bëjmë Shqipërinë si gjithë Europa! T’i japim fund instalimit të mafias në pushtet, dhe askush të mos e frenojë më aspiratën për në BE siç kanë bërë vitet e fundit”, tha Meta.
Gazetarja: Përse i keni shmangur thirrjet për t’i ftuar qytetarët në protestë?
Përgjigjet Meta: “Ndoshta nuk keni qenë te selia e PD, sot ju falënderoj që do ta transmetoni këtë thirrje pro-europian që synon t’i japë fund kapjes së shtetit. Dhe për ti dhënë fund një kërcënimi që i vjen BE dhe Britanisë”
