Anëtari i Këshillit Kombëtar të PD-së, Roland Bejko tha se Partia Demokratike nuk do të bashkohet kurrë me “Foltoren” e Sali Berishës.
Sipas Bejkos, Partia Demokratike nuk duhet të bashkohet kurrë me “Berishizmin” as me “Foltoren”.
“Unë jam për bashkim, por me largimin e Berishës dhe ‘berishizmit’. Po u bashkua dhe Partia Demokratike me Foltoren në Shqipëri vendoset monopoli politik dhe materializohet përjetësisht marrëveshja e 2008-s e cila i dha monopolin politik dy krerëve të dy partive (Rama – Berisha) dhe futi sistemin dy-partiak në Shqipëri, prandaj gjëja e parë që do të bëjë Partia Demokratike sapo t’i jepet mundësia, që të fitojë shumicën e shqiptarëve dhe të mbështetjes, do të shfuqizojë vendimin e marrëveshjes së 2008-s. 2008-ta e ka dëmtuar demokracinë, e ka dëmtuar sistemin zgjedhor dhe votën” – u shpreh Bejko.
