Oltioni punonte prej vitesh në Greqi. Talentin e tij në përpunimin e drurit e përdori për të fituar më shumë si emigrant.
Pagat në sektorin e mobilierisë si specialistë të lartë ne Shqiperi arrijnë mbi 1 milion e 200 mijë lekë te vjetra, shifër dukshëm lart mesatares së vendit. Rritja e pagave, por edhe kriza ekonomike në vendin fqinj e riktheu atë në Shqiperi.
Për biznesin vendas e vetmja zgjidhje për të mbajtur punëtorët këtu por edhe për t’i rikthyer nga emigrimi është rritja e pagave. Kjo ka ndodhur në fakt në disa sektorë.
Në krye qëndrojnë specialistët e IT nxitur nga programi masiv i digjitalizimit, por edhe punët e lidhura me shërbimin. Ndërkohë sektori i industrisë dhe ndërtimit po vijon të ndjekë trendin. Gjatë gjashtë muajve të parë të vitit bizneset ne Shqiperi kanë rritur pagat në nivel nga 15 – 50%.
Janë këto paga që po nxitën ish emigrantë si Oltion Panxhi nga Elbasani për tu rikthyer në atdhe.
