Kryeministri Edi Rama ka ndarë disa të dhëna të Barometrit Botëror të Turizmi, i cili e renditi Shqipërinë në vendin e tretë në periudhën janar-korrik të 2023.
Në këto shifra, Shqipëria duket se ka pasur një rritje me 56 % të prurjeve turistike.
Sipas Ramës, kjo arritje nuk do ishte bërë e mundur pa përkushtimin e palodhur të profesionistëve në fushën e turizmit, ndërsa shton se Shqipëria është vendosur tashmë në hartën e destinacioneve që duhen vizituar me patjetër.
“FESTË E MADHE! Shqipëria ka arritur diçka të pabesueshme: Vendi i 3-të në Barometrin Botëror të Turizmit për janar-korrik 2023, me një rritje spektakolare prej 56% në ardhjet e turistëve. Kjo arritje nuk do të ishte e mundur pa përkushtimin dhe punën e palodhur të gjithë këtyre viteve dhe veçanërisht profesionistët e industrisë sonë të turizmit. Së bashku kemi vendosur Shqipërinë në hartë si një destinacion që duhet vizituar dhe do ta bëjmë atë çdo vit më të mirë e më të mirë. Për udhëtarët në mbarë botën: Ejani të zbuloni perlë që është Shqipëria, pasuruar nga përpjekjet e sektorit tonë të jashtëzakonshëm të turizmit”, shkruan Rama.
