Kreu i shoqatës së ndërtuesve, Erjon Harizi tha se apartamentet në Tiranë do të shiten 15 mijë euro më shumë se çmimi aktual.
Sipas tij një apartament që më parë është shitur me 800 euro metri tashmë kushton 1200 euro me çmim reference.
“Nëse një apartament deri dje në rrugën Don Bosko kushtonte 800-1000 euro metri katror, sot është 1200 euro referenca. Kjo është ajo që sot rëndon ndërtuesin, por dhe qytetarin me kosto. 15 mijë euro për një apartament është e barabartë sa 100 vjet taksë prone” – u shpreh Harizi.
Harizi tha se çmimi i apartamenteve në zonën e ish-Bllokut ka arritur në 3000-4000 euro m2.
