Ditën e djeshme SPAK lëshoi urdhër arrestimi për Jamarbër Malltezin ndërsa caktoi masën e sigurisë “detyrim paraqitje” për Sali Berishën. Oficerët e policisë mësynë në zyrat e PD-së duke i kërkuar Berishes tërheqjen e pasaportës në mënyrë që mos lejohet të largohet nga Shqipëria.
Por megjithëse kanë kaluar shumë orë nga goditja e rëndë që SPAK i ka dhënë krahut të djathtë, ende nuk ka asnjë reagim nga aleati më i madh i Berishës dhe njëkohësisht kreu i Partisë së Lirisë, Ilir Meta.
I vetmi që reagoi nga Partia e Lirisë është Petrit Vasili i cili i del ne mbrojtje Sali Berishes ndërsa thekson se drejtësia e re ka marrë fund.
“Drejtesia e re ka marre fund. Veprimet ndaj Kryetarit te Partise Demokratike Sali Berisha jane sulm i hapur ndaj rendit demokratik, Kushtetutes dhe Parlamentit te Shqiperise. Pa u shprehur fare Parlamenti drejtesia politike dhe talebanizmi politik rilindas ne panik marrin vendime te çmendura. Urdheron Edi Rama dhe vepron SPAK. Ndaj firmave fap fap fap te Edi Rames SPAK s’guxon te beje asgje duke provuar kapjen e plote politike te tij. Ky eshte sulm shume i rende ndaj shtetit ligjor dhe demokracise ne Shqiperi”, tha Vasili.
