SI një mbështetës i “flaktë” i Sali Berishës, Edi Paloka iu ka bërë një tjetër apel befasues Shqiptarëve.
Gjatë një postimi në rrjetet sociale, Paloka u kërkon Shqiptarëve që të ngrihen për të mbrojtur Sali Berishën i cili është nën hetim nga SPAK-u.
“O shqipe, kuptojeni se po nuk reaguat sot, do të jetë vonë kur e keqja t’ju ketë ardhur në derën e shtëpisë. Do ju marrin lirinë, shtëpitë, pronat dhe jetën e nuk do ketë se kush t’ju mbrojë. Nuk do ketë as kush të ngrejë zërin e jo t’ju dalë në krah! Kështu filloi dhe në ‘46 …,” shkruan Paloka.
Sali Berisha akuzohet nga SPAK për korrupsion pasiv lidhur me privatizimin e ish-kompleksit sportiv “Partizani” në kryeqytet, ndërsa në pranga për këtë rast ka përfunduar dhëndri i tij, Jamarbër Malltezi.
