Deputeti demokrat Agron Shehaj ka njoftuar largimin nga Partia Demokratike pasi thekson se nuk ngjall shpresë as me Berishën as me Bashën.
Shehaj tha se vendimin e kishte marrë për shkak se “duhet një alternativë e besueshme”.
“Është e vërtetë që nuk kam qenë aktiv. Nuk ka asnjë hatërmbetje. Nuk ka asnjë zënie. Unë e mendoj ndryshe. Nuk jam dakord me vendimet që janë marrë këto kohë. Ne dolëm me një rezultat nga zgjedhjet lokale ku humbën bashkitë më të mëdha. Ka një mungesë shprese dhe besimi nga ana e votuesve tanë. Ajo që unë propozoj është që ne të japim zgjidhje. Ne nuk duhet të bëjmë sikur nuk shohim. Kam folur me Berishën, por nuk më ka bindur. Ne duhet t’i japim zgjidhje. Mund të ishte një parti e re. Për momentin jam deputet i opozitës, por nuk jam deputet i Partisë Demokratike. Nuk jam as pjesë e grupit të Gazmend Bardhit. Ishte ai që më përjashtoi në fillim nga grupi. Nuk jam më pjesë e PD-së” – tha Shehaj.
