Rreth 1 orë e 30 minuta ka dëshmuar në SPAK, Ilir Kulla, ish-këshilltari i ish-presidentit Ilir Meta.
Në një prononcim të shkurtër për media, pas daljes nga godina e Prokurorisë së Posaçme, ai ka thënë se para prokurorëve të SPAK ka dhënë dëshmi për disa rrethana, por nuk zbuloi më detaje të tjera duke “ruajtur sekretin hetimor”, siç tha ai.
“Dhashë dëshmi për disa rrethana. Nuk mund të bëj publike asgjë për shkak të sekretit hetimor”, ka thënë Ilir Kulla.
Ende nuk dihet se për cilën çështje nën hetim është marrë në pyetje Ilir Kulla nga SPAK.
