Ish-deputeti i Partisë Demokratike, Asllan Dogjani, i cili nuk arriti të fitonte në “Primaret” për të kandiduar më pas për kryetar bashkie në Kamzë, ka ngritur akuza për vjedhje votash.
Dogjani tha se “Primaret” në themel kanë qenë procesi më i mirë i zhvilluar në Partinë Demokratike, por sipas tij janë hajdutët brenda sistemit ata që e prishën procesin në Kamëz.
“Është një proces që më vjen keq që unë sot jam këtu, por sot mendoj që reagimi im ka qëllimin e mirë qe Partia Demokratike nuk dueht të vjedhë Partinë Demokratike. Këtu është vjedhur vota dhe është e turpshme të vjedhim njëri tjetrin është skandal. Nuk e kuptoj, se si do kenë fytyrë këta njerëz nesër tu kërkojnë votën atyre nënave demokrate, baballarëve, të rinjve e të rejave që dje ju përplasën derën në fytyrë dhe nuk i lanë për të votuar. Nuk e di, se si do kërkojmë proces të rregullt nesër kur ne sot vjedhim njëri-tjetrin. Nuk u mjaftuan, nuk u kënaqën me heqjen e demokratëve nga lista e votimit, por futën edhe duart në kutitë e votimit“, shkruan ndër të tjera Dogjani.
