Në Bashkinë e Matit po zbatohet projekti për ndërtimin e rrjetit të kanalizimeve të ujërave të ndotura. Projekti përfshinë qytetin e Burrelit dhe zonat perifierike të tij duke i dhënë zgjidhje një problematike shumëvjeçare.
Projekti parashikon shtrimin e rreth 24 km linjë të kanalizimeve, 300 puseta për disiplinimin e ujërave të ndotura. Për bizneset që ndotin ujin, Balluku solli në vëmendje gjobat dhe penalizimet të cilat shkojnë deri në pezullim të aktivitetit të subjekteve.
“Pas 90 ditëve Task Forca do të ketë të drejtën të fillojë të kontrollojë dhe të monitorojë se çfarë ndodh në terren, a janë këto subjekte tashmë të pajisura me impiantin? Në rast se do të vihet re që disa subjekte nuk e kanë përmbushur këtë kërkesë detyrimisht ato do të gjobiten dhe do t’i jepet edhe 60 ditë kohë për implementimin dhe në rast se pas 60 ditësh do të vazhdoj të ketë një mos bindje nga ana e bizneseve për të vendosur impiante, gjoba do të eskalojë, por nga ana tjetër Task Forcës do t’i lindë dhe e drejta për të bllokuar aktivitetin e subjekteve”, tha Balluku, duke shtuar se bashkëpunimi edhe me të zgjedhurit vendor është i rëndësishëm në këtë aksion.
