Kryetari në detyrë i Bashkisë së Himarës, Jorgo Goro, është arrestuar me urdhër të Prokurorisë së Posaçme. Mësohet se bashkë me të janë arrestuar edhe 4 persona të tjerë.
Arrestimi i tij vjen pas disa kallëzimesh në SPAK për “shpërdorim detyre” dhe “tjetërsim pronash”. Ka qenë Fredi Beleri, i cili ka kallëzuar Jorgo Goron për tjetërsim pronash në Himarë.
Bëhet fjalë për tjetërsimin e një sipërfaqeje prone prej 5512 m2. Goro është arrestuar në një lokal në Dhërmi. “ABC News” mëson se në momentin e arrestimit të tij ka qenë dhe një prokuror.
Jorgo Goro mbeti në detyrë si kryebashkiak i Himarës edhe pse humbi zgjedhjet lokale të 14 majit ndaj Fredi Belerit, i cili u arrestua dhe u dënua me 2.6 vite burg për shit-blerje votash.
