Avokati Spartak Ngjela ka komentuar arrestimin e Jorgo Goros, kryetarit në detyrë të Himarës.
Ngjela tha se me arrestimin e Goros, SPAK tregoi se nuk pyet për Ramën, teksa shtoi se në bashkinë e Himarës lëvizet një kapital i madh.
“Jorgo Goro është në burg sepse ka bërë lëshime që shkojnë drejt korrupsionit duke qenë kryetar bashkie. Ai ishte kryetar bashkie dhe këta e kapën me shkelje. Me këtë që bëri SPAK tregoi se në SPAK nuk pyet për Ramën. S’ka lidhje Rama me SPAK-un. Edhe procesi penal i Saliut ka filluar nga SPAK, ç’punë ka Rama me të! Beleri fitoi me shumë pak vota para. Në një moment që hyri shitblerja e votës. Athina nuk çan kokën fare për minoritarët do vetëm Himarën dhe e mori, e mori me Belerin”,- tha Ngjela per Report tv.
