Bashkia e Tiranës ka shpallur kompaninë fituese që do të zbatojë projektin “Rehabilitim i qendrës Kinostudio” për të cilin ishte parashikuar një fond limit 583 milionë lekë apo 5 milionë euro.
Fituesi 5D Konstruksion është shpallur fitues me ofertën 414 milionë lekë apo rreth 3.5 milionë euro. Projekti ka si qëllim të kryejë punime për rikonstruksionin e rrugës “Aleksandër Moisiu”, sheshit dhe hapësirave publike. Sipërfaqja e përgjithshme e ndërhyrjes rehabilituese është 21933 m2.
“Synon të rrisë sipërfaqet e gjelbra në mënyre të sistemuara, të krijojë ambiente rekreative për banorët që jetojnë dhe punojnë përreth këtij sheshi, ndërtim ambientesh të përshtatshme për fëmijët, gjithashtu restaurimin e fasadave të banesave që ndodhen përreth sheshit si dhe rehabilitimin e stacionit të autobusëve, si dhe përcaktim sa më të përshtatshëm të orientimit të lëvizjes së mjeteve në rrugët lidhëse që përdorin banorët përreth këtij sheshi” thuhet në relacionin teknik të projektit.
