Avokati Spartak Ngjela është shprehur se Ilir Meta dhe Monika Kryemadhi, mund të kenë bërë një marrëveshje që kjo e fundit të shkojë në burg për të shpëtuar ish-Presidentin.
Ngjela tha gjithashtu se ka ardhur koha që SPAK, që sipas tij drejtohet nga Uashingtoni, të shpëtojë Shqipërinë nga korrupsioni.
“Erdhi koha që SPAK që drejtohet nga Uashingtoni do e ç’lirojë Shqipërinë nga korrupsioni. Kur të hapet procesi gjyqësor që të shoh provat do të shoh. Procesi i divorcit nuk ka lidhje me krimin. Kjo është alibi. Nëse kjo është një marrëveshje e brendshme që ajo të shkojë në burg, në një proces penal, që të shpëtojë Metën, këto kanë ndodhur në botë, e ka marrë përgjegjësinë ministri për të shpëtuar kryeministrin. E ka marrë përgjegjësinë nëna për të shpëtuar djalin. Janë gjëra që kanë ndodhur në jurisprudencë”, tha Ngjela për Euronews Albania.
