Pas ndeshjes së Shqipërisë ndaj Spanjës, në të cilën kuqezinjtë tanë u mposhtën 0-1, ka ardhur edhe reagimi i fortë i babait të qendërmbrojtësit, Ardian Ismajli.
Babai i Ardian Ismajli “shpërthen” keq duke mallkuar ata që siç thotë ai e “tradhtuan birin” e tij duke mos e aktivizuar asnjë sekondë gjatë 3 ndeshjeve në Kampionatin Europian.
“Ardian, Bëhu i qëndrueshëm dhe i fort për ketë padrejtësi, për këtë tradhti, të jeni krenar për çdo gjë që keni dhënë për Kombëtaren sepse e kemi detyrim! Zoti i shkatërroftë të gjithë ata që ta vodhën ëndrrën qysh nga fëmijëria të cilën ma tregoje… Zoti i shkatërroftë ata që të bënë pabesi, te bene tradhti sepse shumë ke besuar dhe nuk keni faj se në ballët e tyre nuk shkruante i pabesë…Je i qet se dite te bardha dhe karrierë të madhe jeni duke pritur, është shumë afër…”, shkruan babai i Ismajlit.
