Ish-trajneri i Shqipërisë, Gianni De Biasi ka folur për ndeshjen me Spanjën dhe mendimin e tij në lidhje me trajnerin Sylvinho dhe futbollistët e Kombëtares.
Gjithashtu De Biasi shprehu hapur dëshirën e tij të kthehej sërish në Shqipëri për t’i dhënë një dorë kombëtares, por në një rol tjetër.
“Unë do të kthehesha pasi Duka është miku im, është një person që e vlerësoj shumë do doja të bashkëpunoja me të, por në një rol tjetër që do të ishte supervizor dhe me eksperiencën që kam akumuluar gjatë këtyre viteve në futboll, do të jepja një dorë për të rritur futbollin në Shqipëri”, tha De Biasi.
Ndër të tjera, De Biasi beson se Shqipëria është e aftë të marrë pjesë në kompeticione të tilla siç është Europiani dhe Botërori.
