Ministri i Drejtësisë, Ulsi Manja e përjashtoi mundësinë e amnistisë së fundvitit për të dënuarit. Manja tha se amnistia e të dënuarve është ende në fazën e vlerësimit, çka e bën të pamundur miratimin e saj nga Parlamenti brenda vitit 2022.
Gazetari: A do të ketë amnisti për të dënuarit këtë fundvit?
“Jemi në fazën e vlerësimit. Do të kemi një amnisti, por për këtë vit, Parlamenti një ose dy seanca ka kështu që nuk do të jetë mundësia”, tha fillimisht Manja për MCN.
Kreu i ri i SPAK? “Drejtësia ka qeverinë e vet, kjo është tërësish në kompetencat e Këshillit të Lartë të Prokurorisë për të vendosur se kush do të jetë drejtuesi”, përfundoi Manja.
