Alex Soros, djali i miliarderit George Soros, ka uruar kryeministrin Edi Rama për ditëlindje, i cili më 4 Korrik bëri 60 vjeç.
Përmes një postimi në rrjetet sociale, teksa i uron ditëlindjen, Alex Soros nuk nguron ta quajë Edi Ramën “vëlla”. Ai i thur lavde kreut të qeverisë shqiptare, duke shkuar deri aty sa e quan frymëzim për botën.
“Vëllai im Edi Rama mbushi 60 vjeç javën e kaluar. Ishte një nder të kalonim kohë në Shqipëri së bashku. Ti je një frymëzim për botën, vëlla! 60-a nuk është 40 e re, është Edi i ri!”, shkruan Soros.
Alex Soros njihet për miqësinë me Edi Ramën dhe kryebashkiakun Erion Veliaj, ku viziton shpesh dhe Tiranën për t’i takuar ata dhe këtë gjë na i ka bërë me dije përmes fotove të postuara në rrjet.
