Kreu i Prokurorisë së Posaçme, Altin Dumani këtë të hënë zhvilloi një takim me gazetarët ku ndër të tjera u komunikoi atyre mënyrën se si do të procedohet sa i përket çështjes së “21 Janarit”.
Kreu i organit më të lartë të akuzës u shpreh se Gjykata e Lartë “i ka detyruar” që të regjistrojnë procedim penal.
“Gjykata e Lartë na ka detyruar që të regjistrojmë procedim penal dhe ne do ta regjistrojmë sapo të sillen aktet në Prokurori”, ka thënë ndër të tjera kreu i SPAK.
