Spartak Ngjela ka paralajmëruar se Fredi Beleri nuk do të kthehet më në burg, pas lejes që mori për t’u betuar si Eurodeputet në PE.
I pyetur se a është e ligjshme që një të dënuari t’i jepet leje e tillë nga Drejtoria e Burgjeve, avokati u përgjigj: “JO”.
“Po të mos e lejonin normale do ishte, fakti që e lejuan ka brenda një nëntekst. Ç’do bëjë ky do kthehet? Jo, do tallen të gjithë me të. Nuk është faji i Belerit, por i psikikës politikës primitive që ka politika greke në lidhje me territorin shqiptar. Pse? Se aq Serbi nuk ka pasur as Greqi, popull që nuk kanë ekzistuar në Ballkan. Deri tani gënjenin sepse askush nuk e njihte gjuhën shqipe, përveç albonologëve të mëdhenj. Dihet që është gjuha më e vjetër e Europës”, tha Ngjela.
Fredi Beleri ka kohë deri në orën 16:00 të së shtunës për t’u kthyer dhe për të vuajtur pjesën e mbetur të dënimit, në burgun e Fierit.
