Fredi Beleri ka mbërritur në Gjykatën e Fierit me pranga në duar teksa po kërkon “lirinë me kusht”.
Pas përfundimit të lejes 5 ditore, ku u betua si eurodeputet në Parlamentin Evropian, Beleri deklaroi se do të kërkonte “lirinë me kusht”.
“Kam kërkuar lirinë me kusht, e drejtë e imja, dhe shpresoj që drejtësia këtë herë të mos ndikohet”, u shpreh ndër të tjera Beleri.
Pas kërkesave të njëpasnjëshme për liri, sot do të jetë Gjykata e Fierit që pritet të marrë vendimin “final” për Belerin te cilit i kanë mbetur rreth dy muaj të tjerë deri në përfundimin e dënimit prej 2 vitesh burg te dhene nga GJKKO.
