Është ndarë nga jeta në moshë të re gazetari, Thoma Dhima.
Lajmi i hidhur është konfirmuar nga Kisha Ortodokse Autoqefale e Shqipërisë e cila bën me dije se Thoma Dhima ka shërbyer për 30 vite si gazetar, përgjegjës i zyrës së shtypit dhe kryeredaktor i gazetës “Ngjallja”.
“Me hidhërim të thellë njoftojmë për jetëndërrimin e z. Thoma Dhima. Ai shërbeu me përkushtim pranë Kishës sonë për tri dekada, si gazetar, përgjegjës i zyrës së shtypit dhe kryeredaktor i gazetës “Ngjallja”. Familja humbi një bashkëshort dhe një prind shëmbullor, Kisha humbi një punëtor të mirë dhe Kryepiskopi Anastas një bashkëpunëtor të ngushtë. Kontributi i tij në Kishën Orthodhokse Autoqefale të Shqipërisë do të kujtohet për shumë kohë. Lutemi që Perëndia ta prehë shpirtin e tij me të drejtët!“, shkruan Kisha Ortodokse Autoqefale e Shqipërisë.
