Më shumë se 925 mijë automjete lëvizin çdo ditë në rrugët e Shqipërisë ku transporti vlerësohet si kontribuuesi kryesor i ndotjes së ajrit në vend.. Pjesa më e madhe e tyre djegin naftë, rreth 17% benzinë dhe pjesa tjetër punojnë me gaz apo energji elektrike.
”Transporti është përgjegjës për shkarkimin e 3.3 milionë ndotje në ajër çdo vit. Ky është problemi më i madh i ndotjes në vend. Transporti publik zë një pjesë të konsiderueshme në djegien e karburanteve, duke u vlerësuar si kontribuuesi më i madh i CO2 në vend”, thotë Rodion Gjoka, ekspert për mjedisin.
Një draft-ligj i hartuar nga Ministria e Infrastrukturës dhe Energjisë, hedhur për konsultim publik synon të nxisë përdorimin e biokarburanteve në vend, veçanërisht në transportin publik. Qeveria synon që të rrisë përdorimin e biokarburanteve me 1% çdo vit për të arritur në fund të 2030 gradualisht në 7%.
