Pas një mbledhjeje që zgjati mbi 8 orë, kryeministri Edi Rama u largua nga rezidenca qeveritare në Dajt së bashku me ministrat e kabinetit të tij dhe pjesëmarrës të tjerë të këtij takimi.
Në këtë mbledhje secili nga ministrat kanë raportuar për objektivat që do të kenë në ministritë që drejtojnë. Takimi thuhet se ishte i ndarë në blloqe raportimi, në varësi të tematikave. Së pari ka qenë blloku i kmunikimit ku është diskutuar strategjia që socialistët do të ndjekin për zgjedhjet e 2024.
Një tjetër bllok i rëndësishëm ka qenë çështja e integrimit dhe antikorrupsionit. Të pranishëm ishin ministrat, drejtorët e institucioneve në varësi të Kryeministrisë, kryetarja e Parlamentit, nënkryetari i Parlamentit, kryetari i Grupit Parlamentar të PS dhe kryetarët e komisioneve Parlamentare të PS.
