Moti i mirë dhe përfundimi i fundjavës kanë bërë që shumë vizitorë nga zona jug-lindore të Shqipërisë të nisen drejt kryeqytetit, duke krijuar një trafik të rënduar në daljen e Elbasanit.
Burime nga vendngjarja raportojnë se radhët e automjeteve shtrihen deri në 5 kilometra të gjata si pasojë e mungesës së “Bajpasit” të Elbasanit e cila do t’i jepte zgjidhje përfundimtare fluksit në këtë zonë.
Pothuajse çdo fundjavë në qarkun e Elbasanit është e njëjtë situata ku qytetarët që kthehen kryesisht nga Korça drejt Tiranës mbeten të bllokuar në trafik.
Gjithashtu trafik i rënduar raportohet edhe në zonën e Librazhdit për shkak të punimeve në autostradën “Koridori 8”, e cila do t’i japë fund kalvarit të gjatë të vuajtjeve të shoferëve që udhëtojnë drejt jug-lindjes së vendit.
