Kryeministri Edi Rama ka hapur një reflektim të ndjerë mbi mundësinë e largimit të tij nga politika.
Në një intervistë në podcast-in “Flasim”, Rama u shpreh se sa i lumtur do të ishte nëse do të largohej nga posti i kryeministrit.
Ndonëse kjo ide i kalon shpesh në mendje, ajo që e ndalon Ramën është shqetësimi për vijimësinë e punës dhe për çka do të ndodhte pas largimit të tij si kryeministër.
“Sa herë mendoj unë që të largohem: ‘Ta lë këtë punë do të jem shumë i lumtur’, problemi është që pastaj thua si do vazhdojë puna, këtu, puna atje“, tha Rama, duke theksuar se përgjegjësitë që ka si lider i vendit e bëjnë të mendojë për pasojat e një largimi të mundshëm nga posti i Kryeministrit.
