Arta Dade i doli në krah Ilir Metës teksa deklaroi se ishte i tepruar arrestimi ndaj ish-Presidentit të Republikës.
Ish-deputetja e vjetër e PS-së kujton kohën kur kishte punuar me Ilir Metën për të cilin tha se nuk e meriton burgun.
“Kur e kam parë videon e arrestimit të Ilir Metës më ka ardhur shumë keq. Unë kam bashkëpunuar me të dhe kam shumë përshtypje pozitive. Videoja bëri xhiron e botës, u përdor edhe nga ish-kryeministri italian Matteo Renzi, i cili pretendoi se ne të njëjtën mënyrë do të trajtohen emigrantët që solli Meloni. Mendoj se kishte mënyra të tjera, kjo ishte një show që duhet t’ia kursenim Shqipërisë. Shpresoj që SPAK të bëj punën e tij, për të gjithë ata që kanë abuzuar me fondet e shqiptarëve dhe mendoj se në politikë duhet të fillojnë një frymë e re. Për sa i përket ndarjes së Monikës me Ilirin më vjen keq sepse është përtej politikës. Duke i njohur të dy e di që fëmijët e vuajnë më shumë prandaj prindërit pavarësisht ndarjes duhet t’i kushtojnë rëndësi fëmijëve” tha Arta Dade për Dritare TV.
