Ilir Meta në një intervistë nga burgu shprehet krenar për veten e tij dhe për të gjitha qëndrimet politike që ka mbajtur ndër vite.
Duke mos mohuar faktin se në 34 vite ka qenë një ndër njerëzit që ka ndarë shumë gjëra me Edi Ramën, Meta thotë se pavarësisht mbështetjes që i ka dhënë, ka denoncuar çdo shkelje që atij nuk i është dukur e drejtë.
“Nuk besoj se jam këtu për shkak të gabimeve të mia, por për shkak të bindjeve të mia. Në rradhë të parë patriotike e së dyti demokratike. Unë jam krenar për cdo gjë që kam bërë për të parandaluar instalimin e kësaj junte në pushtet. Jam krenar që kam denoncuar në kohë cdo shkelje të Kushtetutës. Në mënyrë konsistente unë kam treguar qartë që unë nuk jam një politikan që shkon andej nga fryn era e momentit, por shkon andej nga është e drejta, e vërteta, e ardhmja dhe interesi” tha Meta.
