Ngjela u shpreh se Enver Hoxha mund të vritej vetëm në shtëpinë e tij në Durrës, ose siç njihej ndryshe Blloku, pasi kontrolli nuk ishte aq strikt sa në Tiranë.
Ngjela rrëfen se në rast se i bëhej atentat Enver Hoxhës, atutori pushkatoheshe në vend nga ushtria, nuk dilje në gjyq.
“I vetmi plan ishte do vritej apo s’do vritej Enver Hoxha. S’kishte rrugë tjetër, po të vritej Enver Hoxha do kishte shpëtuar Shqipëria. Mund të vritej vetëm në Bllok në Durrës. Këtu ne Tirane s’bëhej dot. Blloku i Durrësit nuk ishte aq i izoluar sa ai i Tiranës. Ai rrinte atje në një çadër, ulej dhe lexonte. Me një revole i bije, por do të vrisnin. Pyeta dhe më thanë që të vrasin në vend. E kishin doktrinë. Nuk prisnin ata që të shkoje në gjyqe. Në përplasje, ti vrisje ata të vrisnin. Do thoni ju që po ta kisha bërë, tani do isha hero. Po kush mendon për heronjtë, unë isha 22 vjeç. Për Enver Hoxhën do sakrifikoja jetën? Pastaj ne kishim shpresë të madhe që ata do binin në krizë. Sa ishte Enver Hoxha nuk ra në krizë. Kriza kapi Ramizin dhe u dorëzua. Ramizi u dorëzua nuk e rrëzoi Saliu (Berisha). Gjetën Saliun dhe e vunë”, u shpreh Ngjela.
