Ish-zv/kryeministri Erion Braçe ka treguar se për shkak të Ilir Metës nuk ka komunikuar prej një kohe të gjatë me Edi Ramën.
Braçe thotë se Ilir Meta dhe partia e tij e dikurshme LSI-ja sollën përçarje tek socialistët.
“Në 2013 ka ndodhur që unë jam larguar nga Berati, jo për dëshirën time por pa dëshirën time. Jo me kërkesën time por për shkak se ashtu e solli koniunktura. Me informacionet që mora më vonë ashtu e kishin kërkuar edhe partnerët tanë politik të asaj periudhe, dmth LSI-ja. Tani ajo parti ka ndryshuar edhe emrin. Ndodhi që në vitin 2009 partia që doli nga zgjedhjet e 2005 me 30 mijë e kusur vota në qarkun e Beratit ranë në 8100 dhe e merrte deputetin vetëm për 40 vota. Ky fakt ishte një problem shumë i madh për zgjedhjet e 2013. Unë jam larguar nga ajo zonë me një fyerje shumë të madhe. Fyerje e madhe me Partine Socialiste, me kryetarin e kësaj partie, fyerje shumë e madhe nga të gjithë ata që u bënë të zëshëm që kjo lëvizje të ndodhte. Edi Rama nuk më tha asgjë sepse ne nuk flisnim”, u shpreh Braçe.
