Operatorët turistikë bëjnë të ditur se hotelet, bujtinat e shtëpitë pritëse janë të rezervuara duke e kthyer Korçën në një destinacion të preferuar të Shqiptarëve për të kaluar festat e Krishtlindjeve dhe Vitin e Ri.
Anila Kapurani, administratore e njërit prej hoteleve masive në qytetin e Korçës bën të ditur se të dyja datat e rëndësishme janë të rezervuara 100%.
“Është bërë traditë shumëvjeçare që Krishtlindje dhe Viti i Ri, Korça është full e rezervuar. Le ta themi, është kryeqendra e festave të fundvitit. Rezervimet fillojnë shumë herët, në fillim nëntori ne nxjerrim paketat e fundvitit dhe në mes të muajit dhjetor jemi full”, tha ajo.
Gjithashtu edhe Pogradeci ka shënuar rritje kërkesash edhe për këtë vit, vendas, të huaj por edhe të rinj.
