Pas videos ku Parashqevi Simakut shfaqet teksa merrte ndihma në rrugët e New York, për shkak të kushteve të vështira ekonomike, shqiptarët janë ndarë në dy pjesë, disa prej tyre u kanë bërë thirrje atutoriteteve që t’i sigurojnë një jetë dinjitoze artistes së madhe, ndërsa disa të tjerë kanë vendosur të thonë opinionin e tyre sa i përket kësaj situate, i cili është dhe ndryshe nga shumica.
Së fundmi ka qenë Blerina Bombaj ajo e cila mendon se shqiptarët duhet të lënë të qetë Parashqevi Simakun në jetën që ajo ka zgjedhur të jetojë.
“Parashqevi Simaku nuk ka kërkuar ndihmë nga shqiptarët dhe nga Shqipëria. Unë mendoj se duhet ta lëmë të qetë në jetën e saj, ashtu siç ka zgjedhur të jetojë. Ajo e di shumë mirë se do mjaftonte vetëm një lëvizje e gishtit të saj dhe të gjithë shqiptarët do i jepnin çdo ndihmë të mundshme. Por, kur nuk do njeriu, nuk do dhe pikë. Lëreni t qetë!”, shkruan Blerina Bombaj.
