Apeli i GJKKO-së ka caktuar masën e sigurisë “detyrim paraqitje” dy herë në muaj, për Sali Berishen.
Engert Pëllumbi ishte gjyqtari që shqyrtoi në Apelin e Posaçëm ankimimin e SPAK kundër vendimit të GJKKO për revokimin e masës së sigurisë “arrest shtëpie” për Sali Berishën.
Apeli i GJKKO-së mori vendimin për zëvendësimin e masës së sigurimit “Arresti në shtëpi”, e caktuar ndaj të pandehurit Sali Berishës, me masën e sigurimit “Detyrimi për tu paraqitur në policinë gjyqësore”.
I pandehuri Sali Berisha është urdhëruar që të paraqitet përpara oficerit të policisë gjyqësore Adelajda Metaj, pranë Prokurorisë së Posaçme kundër Korrupsionit dhe Krimit të Organizuar, të hënë e parë dhe të tretë të çdo muaji, ora 10:00.
