Sali Berisha e quajti Pandeli Majkon si “kriminelin më të madh elektoral”, pasi Rama i dha detyrë në Tiranë për zgjedhjet.
Pa kursyer ironinë, në një reagim Pandeli Majko shprehet se e vërteta e Berishës është konfuzioni me të cilën verbon njerëzit. Më tej Majko shton se Berisha dhe forca e tij kanë qenë gjithnjë gati t’i vënë flakën vendit.
“Konfuzioni është kontroll! Kjo është e vërteta e vërtetë e Sali Berishës! Nuk besoj se jam aq i fortë sa të “vjedh” fitoren e munguar të PD në qarkun e Kukësit! Edhe të përsëritur! Vjedhja e votave dhe bashkëpunimi me krimin e organizuar është mirë tu lihet atyre që kanë fuqi të kontrollojnë punët e kësaj bote! Atyre që dinë dhe ju dhimbset Shqipëria më shumë se sa ata që ajo ka mbajtur me pushtet dhe janë gati ti vënë flakën vendit kur mbesin pa të! Ishte një kënaqësi tu dëgjoja të më fyenit! Kjo do të thotë se kam bërë gjënë e duhur! Ka shumë lloj vjedhjesh në këtë botë Doktor! Më e keqja, është vjedhja e të ardhmes!”, shkruan Majko.
