Ka zgjatur mbi 2 orë dëshmia e Ilir Metës në SPAK në prani të avokatit të tij, Genc Gjokutaj.
Dëshmia e Ilir Metës ka nisur prej orës 10:50 minuta dhe është mbyllur në orën 13:10. Ilir Meta u dërgua në ambjentet e Prokurorisë së Posaçme nga “qelia 313” me anë të tunelit që lidh burgun me SPAK.
Avokati Genc Gjokutaj zbuloi se seanca e sotme e marrjes në pyetje është e katërta gjatë këtyre hetimeve.
“Sot u pyet për lobimin në Amerikë. Meta ishte bashkëpunues dhe sqarues për aq sa kishte dijeni dhe mbante mend pa iu referuar akteve që do na vihen në dispozicion. Në të gjitha seancat, edhe në cilësinë e personit që ka dijeni për rrethanat e çështjes është pyetur 4 herë dhe ka dhënë shpjegime të detajuar” tha Gjokutaj pasi doli nga SPAK.
Ilir Meta ka kërkuar që të fliste dhe me gazetarët por nuk është lejuar pasi është i paraburgosur.
