Jep dorëheqjen prefekti i Qarkut Lezhë, Gjergj Prendi. Sipas burimeve, ai e ka paraqitur dorëheqjen një ditë më parë pranë Këshillit të Ministrave.
Sipas mediave, shkak për këtë vendimmarrje janë bërë përplasjet me kreun e bashkisë Pjerin Ndreu pas kthimit të një vendimi të miratuar nga Këshilli Bashkiak në fund të vitit që lamë pas në lidhje me amnistinë fiskale për tarifat vendore.
Gjergj Prendi e mbante postin e prefektit të Qarkut Lezhë prej muajit Prill të vitit 2022. Ish ushtaraku ka qenë edhe më parë Prefekt i Qarkut Lezhe për rreth 2 vite.
