Ish-deputeti i PD, Ervin Salianji feston në burg e Fierit ditëlindjen e tij të 37-të.
Por deputetja demokrate Ina Zhupa premton se Ervin Salianji vitin tjetër do ta festojë ditëlindjen “i lirë” pas fitores imagjinare të PD në zgjedhje.
“Ditëlindjen e 37 Ervin Salianji po e kalon në qelinë nr 6 të burgut politik! Sot është ditëlindja e nënkryetarit të grupit, deputetit, mikut Ervin Salianji. Është ndryshe sepse Ervini nuk e feston me bashkëpunëtorët, me demokratët, me miqtë dhe me familjen e tij por e feston i mbyllur me ata që kanë berë korrupsion, kanë vrarë, e kanë vjedhur. Edhe 100 vite të lumtura, i fortë, i vërtetë, kurajoz dhe luftëtar. Ditëlindjen e ardhshme do e festojmë duke punuar për shqiptarët pas fitores së 11 Majit“, shkruan ndër të tjera Ina Zhupa.
