Zëvendëskryeministrja, Belinda Balluku, njëherësh ministre e Infrastrukturës dhe Energjisë vizitoi dje në Divjakë fabrikën e përpunimit të qumështit “Extra Milk”, produktet e të cilës tregtohen sot edhe në Shtetet e Bashkuara.
Zëvendëskryeministrja theksoi rëndësinë e këtyre industrive për sektorin e bujqësisë.
“Nëse do të ndalonte vetëm tek bujqësia, nuk do të kishte rezultatin e duhur, pasi cilësia e parë dhe e dytë mund të tregtohej, ndërsa cilësitë e tjera mund të përpunohen dhe në këtë mënyrë mund të kemi produkte vendase që eksportohen”, tha Balluku.
Po ashtu vuri theksin edhe te sektori i turizmit, pasi sipas saj, zhvillimi i turizmit nxit edhe rritjen e prodhimeve bujqësore.
