Kryeministri Edi Rama në fjalën e tij në Kuvendin Kombëtar Rinor të PS-së e cilësoi opozitën e vendit një “llumë kënete”.
Rama deklaroi se opozita ka në krye ‘bufin e kënetës’, ndersa theksoi se vota për PS është e vetmja që sjell ndryshim. Ai deklaroi se PS do i japë Shqipërisë ulësen “Albania” në tryezën e Europës.
“Ne premtojmë atë që bëjmë dhe kemi në dorë të bëjmë atë që premtojmë. Mbi të gjitha kemi në dorë të cojmë në vend më në fund amanetin e të parëve tanë, e Gjergj Kastriotit, të rilindasve tanë, të Ismail Qemalit, të dëshmorëve dhe të bëjmë realitet ëndrrën evropiane të shqëiptarëve duke e kthyer votën e tyre për PS në një ulëse me emrin Albania në tryezën e BE. Të gjithë mund ta premtojnë këtë por këtë mund ta bëjmë vetëm ne. Nëse nga sot 100 ditë, vota e shqipëtarëve të Shqipërisë do tu shtohen edhe votat e shqiptarëve të botës, do të thotë se ne luftuam, duruam por në fund e bëmë këtë që premtuam. Kush na ndjek nga jashtë vendit duhet ta ketë parasysh se afati i fundit i regjistrimit është data 4 mars, prandaj mos e lini për ditën e fundit por futuni në faqen e KQZ dhe regjistrohuni për të votuar me 11 maj dhe mos e vini kurrë në dyshim vota e cuar te cilido tjetër është gur i hedhur në ujë, në kënetën e një opozitë bretkosash që ka në krye nj buf kënete. Vota e sjellë tek ne është gur i vendosur në muret e reja të shtetit evropian shqiptar që po forcohet vit pas viti“, tha Rama.
